අකුරු මැකී නෑ කොල ගැලවී නෑ..

බ්ලොගරයා තාම මකල නෑ.. ඔය තියෙන්නෙ..

ටැස්ටිං...

හැබෑටම ගෑනුන් ට බැරි ඇයි...??? Is this the last nail ...???

මේක සුමානයක් විතර පරණ කතාවක sequel එකක් .. වඩාත් නිවැරදිව කිව්වොත් re-make එකක්.. මේ කතාබහ සිද්ධ වුනේ බුකියෙ. ඒත් කතාව අතරමැදදි නවත්ත්න්න සිද්ධ වුණා. ඒක නිසා තමා මෙහෙම හරි මේක ඉවරයක් කරගන්න ඕන කියල හිතුවෙ..

කතාව මේකයි..

ලෝකෙ ගැහැනු පිරිමි ඉන්නෙ දළ වශයෙන් සම සම අනුපාතයකින්..
ඒත්..
අපි පුස්තකාලෙකට හරි පොත් සාප්පුවකට හරි ගොඩවෙලා "ප්‍රබන්ධ නොවන" පොත් රාක්කවල බෑලුවොත්, [විද්‍යාව, ගණිතය , ඉංජිනේරු ශිල්ප, පරිගණක, වගේ ] මොන අංශෙක බැලුවත් වැඩියෙන්ම ලියල තියෙන්නෙ පිරිමි, ඊළඟට ලොවට නව සොයාගැනීම් නව නිපැයුම් කල විද්‍යාඥයින් ඉංන්ජිනේරුවන් ගෙන් අති බහුතරය පිරිමි , ඊළඟට ලෝකෙ බිහිවෙච්ච දාර්ශණිකයො අතරෙ කාන්තාවො නැති තරම් , ලෝකෙ පිලිගත් කිසිම ආගමක ශාස්තෲ වරයෙක් නෑ ස්ත්‍රියක්..

ඇයි මේ ..? කියලයි මම ඇහුවෙ..

මම පස්සෙ කල්පනා කරන කොට වැඩේ තව බරපතලයි .. ඊයෙ පෙරේද මම දැක්ක ලෝක ප්‍රකෝටිපතියන්ගේ ලැයිස්තුව. පලවෙනි පහලොස් දෙනා අතර කාන්තාවො ඉන්නෙ තුන් දෙනයි. මම හිතුව කමක් නෑ තුන් දෙනෙක් හරි ඉන්නවනෙ කියල. අනේ බැලින්නම් දෙන්නෙක් වෝල් මාට් සමාගම පිහිටවපු සෑම් වෝල්ටන්ගෙ දුවයි , ලේලියි ඒ උරුමය නිසා ලිස්ට් එකේ ඉන්නෙ, අනෙක් කෙනා ලෝරිඑල් සමාගම පිහිටවපු ඉයුජින් ෂුලර් ගෙ දුව ඒ උරුමයෙන් ලිස්ට් එකට එන්නෙ.

කොටින්ම ලෝකෙ කිසිම "ලොකු" වැඩක් කාන්තාවො කරල නෑ..

මට ඇත්තටම ඕන කලේ මේකට විද්‍යාත්මකව ම හේතුවක් තියෙනවද. ඒ කියන්නෙ කාන්තාවන්ට ස්වභාවයෙන්ම "බැරි" ද කියල දැනගන්න.

මේ ගැන නොයෙක් අදහස් පලවුණා.. [ සමහරු කෙලින්ම මාව මරා දමන්නට අවි ගත්ත , ඒවට හුම් මිටි තියන්න හෙංචයියොත් හිටිය  : D  ]. මට මතක හැටියට එකිනෙකට වෙනස් අදහස් කන්ඩායම් නියෝජනය වෙන අදහස් තුනක් මෙහෙමයි ..

සුජීව මුලින්ම සහ පසුව තවත් අය : 
ස්ත්‍රියක ට යම් ක්ෂේත්‍රයක ප්‍රවීණතාවයකට ළඟාවෙන්න අවශ්‍ය වෙන වයස වෙනකොට ඒ අයගෙ මුලු කාලය සහ අවධානය මාතෘත්වයේ වගකීම වෙනුවෙන් කැපකරාන්න වෙනව. ඒ නිසා යම් ඉලක්කයන් වෙත ළඟාවෙන්න බෑ..

චානක නොහොත් මකරා :
ස්ත්‍රියකගේ මොළයේ ජීව විද්‍යාත්මක වෙනස් කම්. උදා යම් වයසකට පැමිණෙන විට සංකීර්ණ ගැටලු ගැන අවධානය යොමු කිරීම අපහසු බව.

අනූ ඉලංගතිලක :
කාන්තාවන්ගේ ඊස්ට්‍රජන් චක්‍රය නිසා, මාසයක යම් දින සංඛ්‍යාවක් මානසිකව නොසන්සුන් තත්වයෙන් සහ ශාරීරික අපහසු තාවයන් නිසා පිරිමින් ට තරම් එකදිගට යමක යෙදෙන්නට නිදහසක් නැති බව.

සුජීවගේ අනෙක් අදහස :
ආගමික සහ සමාජ විශ්වාස නිසා කාන්තාව පස්සට තල්ලු කරනු ලැබීම.

මට හිතෙන විදිහට පොදුවේ අනෙත් සියලු අදහස් ගොනුවුනේ :
 පිරිමින් විසින් ගෙදර දොර සහ දරුවන්ගේ වගකීම් ගැහැනිය පිට පැටවීම මේ දෙකටම එකවර හේතුවන් බව. ඒ කියන්නෙ කාන්තාවන් ට "බැරි" වෙන්නටත් පිරිමින්ට "පුලුවන්" වෙන්නටත්. මේ ඡායාරූපය ඒ අයගේ සංතෝෂය ට.

හරි.. දැන් මේ ගැන අලුත් වටයකින් කතා කරමු.

පින්තූර මෙතැනින්:

http://redstatefeminists.org/commentaryA.html

http://momgrind.com/2008/06/17/easy-to-operate-stuff-was-invented-because-women-are-stupid-wordless-wednesday/


ප.ලි :
කලින් වතාවෙ ගොඩක් අදහස් පළවුණා.මීට ගොඩක් වෙනස් අදහසක් පළකරල මට මිස් වෙලා නම් සමා වෙන්න.

Negative thinking හොඳම එක සහ මැරෙන්න කලින් බලන්න වටින තැනක් ගැන සටහනක්...

ඇත්තෙන්ම මේ සටහන ලියවෙන්නෙ සෘණාත්මකව හිතන මිනිහෙකුට ඒ අතින් කොයිතරම් දුර යන්න පුළුවන්ද කියන එක ගැන පොඩි කතාවක් කියන්න...
ඒත් ඒකතාව කියන්න යන ගමන් තලාගන්න යස පඳුරක් තියෙනව... ඒක නිසා ඒකත් තලාගෙනම යන්න හිතුව... මේ පඳුර තලන්න වෙන්නෙ මළ මුහුද (Dead Sea) ගැන පොඩි අවබෝධයක් කියවන්නාට ලබා  දිමත් , පලස්තීන ජනතාව ගැන යාන්තම් සඳහන් කිරීමත් අර කතාවට අදාළ වෙන නිසා...

ඒ දෙකම කරගන්න, මළ මුහුදට යන්න ලැබුණ අවස්ථාවක් ගැන සුලු විස්තරයක් ඉස්සෙල්ලම... ජෝර්දානයේ අම්මාන් වල ඉන්න අයට එකදවසෙන් ගිහින් එන විනෝද ගමනක් අවශ්‍යනම් යන්න තියන හොඳම තැන මළ මුහුද... අම්මාන් ඉඳන් කිලෝමීටර් හැත්තෑවක් විතර දකුණට වෙන්න තමා මළ මුහුදෙ නැගෙනහිර ඉවුර පිහිටල තියෙන්නෙ... බොහොම අපූරු ගමනක්... ගස්කොළන් අඩු කැනියන් (canyon ) වගේ පේන කඳු අතරින් පහළට බහින්න තමයි තියෙන්නෙ දිගටම...අතරින් පතර තැනකදි හයිනාවෙක් හෙමත් දකින්න බැරි නෑ... ( හයිනාවන්ට දඩයම් කරගන්න වල් සතුන් අඩුවුණත් මේ කඳුවල ජීවත් වෙන එඬේරුන්ගෙ බැටළුවෙක් එළුවෙක් ඩැහැගන්න එක තමා උන්ගෙ වැඩේ... )

මේ සිතියම බැලුවම පේනවනෙ පලස්තීනය කියල රටක් නැති විත්තිය...

ඔන්න බලාගන්නකො මළ මුහුදේ භූගෝලීය පිහිටීම...

දැන් මේ ගමන්ම පලස්තීනුවන්ගෙ කතාවත් කියල ඉන්නම්කො...

ඔය ගොල්ලන්ට හැමදාම අහන්න ලැබෙන මැදපෙරදිග අර්බුදය තියෙන්නෙ ඔන්න ඔය සිතියමේ මළ මුහුද අවට තියෙන ප්‍රදේශ වල... ඔය මළ මුහුදේ ඉඳන් බටහිරට මධ්‍යධරණී මුහුද දක්වා තියෙන ප්‍රදේශය ගැන පලස්තීනුවනුත් යුදෙව්වනුත් අතර තියෙන ගැටුම තමයි ඒ ප්‍රශ්නය.... දැන් ඔය සිතියමේ බලන්න අඩුගානෙ පලස්තීනය කියල රටක් වත් සඳහන් වෙන්නෙ නෑනෙ... ඔවුන්ට තියෙන්නෙ බටහිර ඉවුර ( West bank )  ත්   [ ඔයාලට දැන් පැහැදිලි ඇති මේ  බටහිර ඉවුර.. බටහිර ඉවුර.. කියන්නෙ ඇත්තෙන්ම මේ  මළ මුහුදේ බටහිර ඉවුර ගැන බව... ] අනික් පැත්තෙන් ඊජිප්තුවට මායිම්ව තියෙන ගාසා තීරුව ( Gaza strip ) ත් පමණයි... ඉතින් තමන්ට අවුරුදු දහස් ගාණක් තිස්සේ..( පලස්තීනුවන් කොහෙන්වත් සංක්‍රමණය වූ අය නොවේ )  ජීවත් වූ නිජ භූමිය තූළ තමන්ගේ නමට රටක්නැති එක තමයි ඔතන තියෙන හැමදාම ගැටුම් ඇතිවෙන හේතුව....
මේ ප්‍රශ්නය ඉතා සංකීර්ණ දේශපාලන ගැටලුවක් බව කියන්නම ඕන.. මම උත්සාහ කළේ  විදෙස් ප්‍රවෘත්ති වලට සවන්දෙන විට ඔබට නිතර අසන්නට ලැබෙන කාරණයක් ගැන දල අදහසක් ලබාදෙන්න පමණයි.... ඒ වගේම මගේ කතාවට යම් සම්බන්ධයක් ලබා ගන්න...

දැන් ආයෙත් හැරෙමු මළ මුහුද දෙසට...

මළ මුහුදේ වෙරළ තමයි පෘථිවියේ පොළොව මතුපිට ඇති පහතම ස්ථානය... කොච්චරද කියනවනම් මුහුදු මට්ටමේ ඉඳන් අඩි එක්දාස් හාරසීයක් විතර පහතයි... ඒක නිසා තමයි මේ ගමන යද්දි දිගටම කඳු බෑවුම් පමණක් තියෙන්නෙ...

තව පොඩි සිද්ධියක් මතක් වුණා...
|| අපේ යාළුවෙක් හිටිය වික්‍රම් කියල ඉන්දියානු ගෘහනිර්මාණ ශිල්පියෙක් කඳු නැගීම විනෝදාංශයක් කරගත්තු.. ඔහු ළඟ තිබුණ ඉතා වටිනා ස්විස් ක්‍රීඩා අත් ඔර්ලෝසුවක්... එකෙන් පුළුවන් කඳු නගින කොට.. මුහුදු මට්ටමේ සිට උස ඩිජිටල් තිරයෙන් කියවන්න... ඔහු නිතරම මේ පහසුකම පෙන්න පෙන්න අපිට අගේ කර කර හිටිය... ගොඩනැගිල්ලක් උඩට නැග්ගත් අපිට අරක ක්‍රියාත්මක කරල පෙන්නනව.. ඒයි මේ බලපල්ල මෙතන උස මුහුදු මට්ටමේ ඉඳන් මෙච්චරයි කියල... අපි ඉතින් මේ ගමන යන්න ලෑස්ති වුණාම කිය කියා හිටියෙ උඹේ ඔරලෝසු වරුණෙ මේ සැරේ ඉවරයි මුහුදු මට්ටමෙන් පහළට ගියහම ඔය ඔරලෝසුව පිස්සු වැටිල දුම් දාල හබක් වෙනව කියල.... ඉතින් අපි ගමන පිටත් වෙලා ටික වෙලාවකින් පොර ඔරලෝසුව දිහා සැරින් සැරේ බල බලා ඉඳල  එක පාරටම ලේන්සුවක් අරන් අතේ ඔතා ගත්ත ඔරලෝසුව වැහෙන්න... අපිත් වැඩිය ගණන් ගත්තෙ නෑ... ට්‍රිප් යනකොට ඉතින් වෙන වැඩත් තියනවනෙ ඕව බලනව ඇර...
කොහොම හරි අපි මළ මුහුද ළඟට ගිහින් ඒ ඉවුර අයිනෙ තියෙන වෙරළට වඩා තරමක් උස අවන්හලක වාඩි වෙලා ඉන්න ගමන් ඔය කතාව ඇදිල ආව... එකෙක් කෑ ගැහුව ඒයි වික්‍රම්.. පෙන්නපන් උඹේ කඳු නගින ඔර්ලෝසුව කියල... අරූ හෙමින් අර ලේන්සුව අයින් කරල අපිට ඔරලෝසුව  පෙන්නුව... අපූරුවට ඒකෙ [   - 420 m   ] කියල සටහන් වුණා... ( ජල තලයෙදිම මළ මුහුද මීටර් 423 යි මුහුදු මට්ටමෙන් පහත.. ) ||

ඉතින් ඔය මළ මුහුදට මළ මුහුද කියන්නෙ ඇයි..? මේ මුහුදෙ තියෙන අධික ලවණ ගතිය නිසා කිසිම ජීවයක් පවතින්නෙ නෑ මේ මුහුදෙ... ඒක තමයි මම කියන්න යන කතාවට ඕන අනික් සම්බන්දය...

ඒ විතරක් නෙමෙයි...මේ මුහුදෙදි අපිව මුහුදෙ ගිලෙන්නෙ නෑ... ඉබේම පාවෙනව...මේ බලන්නකො...

මේ අත්දැකීම නම් කවදාවත් කියල පැහැදිලි කරන්න බෑ... විඳලම බලන්න ඕනැ.. ඒකයි අර මැරෙන්න කලින් බලන්න වටින තැනක් කියල සඳහන් කලේ...විසේසෙන් ගඟේ මූදෙ පැනල නාල පුරුදු කෙනෙකුට වතුරට බැස්සම පාවෙනව කියන එක හරියට හීනයක් වගේ අත්දැකීමක්...

මේ ඉන්නෙ සපා ඒ කාලෙ... මේ වගත් එසේම... දුම්බීම සරීර සවුක්කියට පට්ට අහිතකරය... ඒක තේරුම් ගත් සපා දැන් දුම්බීම අතහැර ඇත... දුම් බීම කල ඒ කාලයේ වුවත් ...මේ ඉරියව්ව illustrative purpose සඳහා ඡායාරූපයට පෙනී සිටීමක් පමණය...

මළ මුහුද ගැන විස්තරය ( පඳුර තැලීම )  ඉවරයි...  දැන් හැරෙමු අර සෘණාත්මක චින්තන කතාවට...

කතාව මෙන්න...

ජෝර්දානයේ ජීවත් වෙනකොට මුණගැහෙන එරට පුරවැසියන්ගෙන් බහුතරය පලස්තීනුවන්... අර මම කලින් විස්තර කල ගැටුම් ආදිය නිසා ජෝර්දානයට සංක්‍රමණය වෙලා පරම්පරා දෙකක් පමණ තිස්සේ දැන් ජෝර්දානයේ ජීවත් වෙන්නෙ... ඔවුන් හැමෝගෙම හිත යට තියෙනව කණගාටුවක්...ඔවුන්ගේ නිජභූමිය අහිමි වීම ගැන නිරන්තර කනස්සල්ලක්... යුදෙව්වන් ගැන වෛරයක්...( මෙය ඇමරිකාවට එරෙහි වෛරයක් දක්වා දිගුයි..).. ඉතින් ඔවුන් බොහොම කනස්සල්ලෙන් ජීවත් වන ජන කොටසක්... මේ නිසා වෙන්න ඕන මම මීට කලිනුත් සඳහන් කළා වගේ මතක.."ජෝර්දානුවන් සිනහ වෙන්න දන්නෙ නැතිය" කියන කියමන අනෙකුත් අරාබි ජාතීන් අතරෙ තියෙන්නෙ...

මේ කතාවට අදාල පුද්ගලයත් ඒ වගේ පලස්තීනුවෙක්...හොඳින් ඉංග්‍රීසි කතාකරන ටැක්සි රියදුරෙක්... මම දවසක් ඔහු සමග පොඩි ගමනක් යන අතර මගේ කණ්ඩායමේ ඉන්න ජෝර්දානුවන්ගෙ තියෙන  මේ සෘණාත්මක ගතිය ගැන කියල කිව්ව "මේ ළමයින්ගෙ කිසිම සජීවී  ගතියක් නෑනෙ හරි අමාරුයි දියුණු කරන්න" කියල ... මම බලාපොරොත්තු වුණේ " නෑ කොහොම හරි උත්සාහ කරන්න අපේ තරුණ ළමයි ඉස්සරහට ගෙනියන්න" වගේ උත්තරයක්...
ඒතකොට ඒ යකා දීපු මම මිනිහෙක්ගෙන් අහල තියෙන නෙගටිව්ම සිතිවිල්ල තියෙන උත්තරේ මෙන්න...

" Sea , which is the source of all life is DEAD ! in Jordan , how much would you expect from its people "

"ජීවයේ උල්පත වෙච්ච මුහුදත් ජෝර්දානෙදි මළා..! උඹට ඒ රටේ මිනිස්සුන්ගෙන් මොන දෙයක් බලාපොරොත්තු වෙන්න පුළුවන්ද..? "

පෝස්ටුව ඉවරයි..

==============================================================
පසු ලියමන.. ජූලි 29 දා..

දේශපාලනය මගහැරලම ළඟ නැමුවත් කොමෙන්ටු නිසා අන්තිමට මේ කෑල්ල නොලිය බැරි වුණා.... හැමෝටම නෙමෙයි ඒත් උනන්දුවක් තියෙන කෙනෙකුටවත් කියවන්න... අනේ මේක කොටන්න ගත්ත මහන්සියෙ හැටියට හතරපස් දෙන්ක් වත් කියෙව්වොත් මදෑ...
මම ඔය මැදපෙරදිග අර්බුදය ගැන මගේ අදහස පටන් ගන්නෙ මේ පදනමේ ඉඳන්...

//යුදෙව් හොඳයි කීවත් වැරදියි,
අරාබි හොඳයි කීවත් වැරදියි. //
එබැවින් නංගියෙ මල්ලියෙ පවසමි දෙවගෙම නරකා කියා....

ඒත් මම පොඩ්ඩක් පලස්තීනුවන් ගැන අනුකම්පාවෙන් බලන එක වලක්වන්න අමරුයි... මිලියන දෙකහමාරකට වැඩි පලස්තීන ඩයස්පෝරාවක් ඉන්න ජෝර්දානයෙ අවුරුදු ගානක් ජීවත් වෙලා ඒ මිනිස්සුන්ගෙ අහිමිවීම්... කනස්සලු.. ගැන හැමදාම අහන්න ලැබුන එකත් ඒවගේම යුදෙව්වො කවදාවත් ළඟින් ආශ්‍රය කරන්න ලැබිල නැතිවීම නිසා උන්ගේ පැත්තෙන් මේ කතාව දන්නෙ නැතිවීමත් ඒකට හේතු වෙන්න පුළුවන්... ඒත් බලන්නම් පුළුවන් තරම් නියුට්‍රල් එකේ මම දකින හැටියට මේ ගැටළුව ගැන පොඩි සටහනක් දාන්න...


දැන් මේක මෙහෙමයි කර ගන්න වෙන්නෙ... මේක පොත් ගනන් ලියලත් ඉවර කර ගන්න බැරි සබ්ජෙක්ට් එකක්නෙ... ඒක නිසා පොඩි එක්සෙකෙටිව් සමරි එකක් තමා ලියන්න බලන්නෙ... පොයින්ට් ෆෝර්ම් එකෙන්... එකෙත් පොයින්ට් එකෙන් පොයින්ට් එකට එකම කාල අන්තර වලින් නෙමෙයි .... කතාවට අදාලව වැදගත් කියල හිතෙන තැන් වලින්...සමහර තැන් වල වසර දහස් ගනන් පනිමින් සමහර තැන් වල වසර සිය ගනන් සහ මහර විට දශක වලින්....


දැන් යමු ඈතම අතීතයට..( මේ කතාවට ඕන වෙන තරමට )..


# හෙබ්‍රෙව් වරු ( පසුව යුදෙව්වන් ) මේසපොටේමියාවෙන් [ අද ඉරාකය ඇති ප්‍රදේශය ]  පිටත් වෙලා අවුරුදු පන්සීයක් විතර ඇවිදලා ඇවිත් කානාන් දේශය කියන අද අපි ඔය කතාකරන ප්‍රදේශයට එනව ක්‍රි.පූ 1800 - 1500 විතර වගේ කාලෙ ....
# එතකොට ඒක හිස් ඉඩමක්ද තිබුනෙ... නෑ ... එහේ ඒ වෙනකොට ජාතීන් හිටිය... කානන් වරුන් මූලිකව තවත් සුලු ජාතීන් හිටිය... උන්ට ගහල තමයි ඔය භූමිය කඩාවඩා ගත්තෙ... ඒ කියන්නෙ ඕක හෙබ්‍රෙව් වරුන්ගෙ මුල් බිම නෙමෙයි ...ඔන්න ඕකයි යුදෙව් හොඳයි කීවත් වැරදියි කියන්නෙ... කොහොමහරි ඔය රාජ්‍යය පිහිටවල ඉතාම දියුණු තත්වයට පත්වුණා...ඩේවිඩ්ගෙ කාලෙවගේ වෙනකොට තමයි නියම රාජ්‍යයක් වෙන්නෙ...කි පූ 1000 විතර  [ ඩෙවිඩ් ගොලායත් කතාව අහල තියෙන අය අමතක කරන කාරනයක් තමා ගොලායත් ෆිලිස්ටීන් කෙනෙක් හැටියට සඳහන් වෙන වග.. ].. ඊ ලඟට සොලමන් රජුගෙ කාලෙ වෙනකොට ලෝකෙ තිබුණ ඉසුරුමත් රාජ්‍යයක් ඒක... අමතක කරන්න එපා යුදෙව්වො කියන්නෙ ලෝකෙ ඉන්න දක්ෂම ජාතියක්... එහෙම බැලුවහම ඔවුන්ගෙ මුල් බිම් නොවුනත් ඔතන මුලින්ම රාජ්‍යයක් පිහිටවගත්තෙ යුදෙව්වො කියන එක ඇත්ත...
# ඊ ලඟට ඔන්න නව බැබිලෝනියාවෙ බිහිවෙච්ච නෙබුකද්නෙෂර් ( අර ප්‍රසිද්ධ එල්ලෙන උයන් වතු හදපු පොර - ඒව රාවණාගෙන් ඉගෙන ගත්තු එක වෙනම කතාවක් :D  - ) ඇවිත් ඔය ප්‍රදේශය සම්පූර්නයෙන්ම යටත් කරගන්නව...ක්‍රි. පූ 600 ගනන් වෙනකොට ( ඇසිරියන් ආක්‍රමණ අතෑරිය - පොයින්ට් එකට ඕන වෙන්නෙ නැති නිසා ) නෑ මම කියන්නෙ යුදෙව් රාජ්‍යයය පැවතුනේ ඔන්න ඔය සිදුවීම් දෙක අතරෙ අවුරුදු පන්සීයක විතර කාලයකට විතරයි කියන එකත්... ඔය සියලු සිදුවීම් අතරෙ අර කානාන්වරුන්ගෙන් පැවත එන සවදේශිකයිනුත් ඔය ප්‍රදේශ වල ජීවත් වුණාය කියන එකත් මතුකරගන්න...
# ඇසිරියන් ආක්‍රමණත් බැබිලෝනියන් ආක්‍රමණත් එක්ක තමයි යුදෙව්වන්ගෙ මුල්ම ප්‍රදේශ හැරයාම වෙන්නෙ... එතකොට යුදෙව්වො පිටුවහල් වුණේ ආක්‍රමණ නිසා කින එක හරි.. නමුත් අරාබින් නිසා කියන එක වැරදී..
# ඊ ළඟට පර්සියාව ගිහින් බැබිලෝනියාව ආක්‍රමණය කරනව අරෙහෙ... එතකොට  මේ පැත්ත ඉබේම පර්සියාවට යටත් වෙනව...ඒ පර්සියන් රජතුමා ( සයිරස් )එහේ හිටපු යුදෙව්වන්ට එන්න කියනව ආපහු මේ ප්‍රදේශ වලට.. සමහරු එනව... විශාල ප්‍රමාණයක් නවතිනව බැබිලෝනියාවෙ... මේ තමා මුල්ම යුදෙව් ඩයස්පෝරාව... එතකොට ලෝකෙ විතැන් වෙලා ඉන්න සියලුම යුදෙව්වො අරාබි ආක්‍රමණ නිසා එහෙම ගියා කියන එක වැරදියි...
# එතනින් පස්සෙ ඇලෙක්සැන්ඩර් පර්සියාව ජයගන්නව.. ඒතකොට මේක ඉබේම ඇලෙක්සැන්ඩර්ට යටත් වෙනව.. ඊලඟට රෝමන් අධිරජ්‍යය මේ පැත්තට පැතිරෙනව...අපි හැමෝම දන්න යේසුස් වහන්සේ බිහි වෙන්නෙ ඔන්න ඔය රෝමන් අධිරාජ්‍යට මේ පලාත් යටත්ව තිබ්බ කාලෙ... ඒ වගේම මෙච්චර වෙලා ක්‍රිස්තු පූර්ව වලින් කරන් ආපු අපේ කතාව මෙතැන් ඉඳන් ක්‍රිස්තු වර්ෂ වලට හැරෙනව...
# ඊ ළඟට ක්‍රි.ව 130 ගනන් වෙනකොට යුදෙව්වො කැරැල්ලක් ගහනව රෝමන් අධිරජ්‍යයට විරුද්ධව ... ඒ කැරැල්ල ඉතාම දරුණු ලෙස මැඩපැවැත්වෙන අතර යුදෙව්වො නැවතත් පිටවෙලා යනව විශාල වශයෙන්... මේ තමයි දෙවෙනි යුදෙව් ඩයස්පෝරාව... එතකොට මේක කරන්නෙ රෝමන් වරුන් විසින්... ඒ වගේම මෙන්න මේ කාලෙදි තමයි රෝමන් වරුන් විසින් මේ ප්‍රදේශ නිළ වශයෙන් පලස්තීනය හැටියට හඳුන්වන්න ගන්නෙ...
# එතකොට මේ වෙනකොට යුදෙව් වරුන් දෙපාරක් පිටවෙලා ගිහින්.. ඒත් තවමත් ගලීලය වගේ පෙදෙස් වල මේ යුදෙව්වො ටිකක් හිටිය... එතකොට මේ රටේ ඉතුරු වුනේ කවුද... කිතුණු දහම පිලිගත් ඊශ්‍රායෙල් වරු, රෝමන්වරු විසින් රැගෙන ආ යම් යම් ජාතීන්,.. විතරද... ඇයි අර මම දිගටම කියාගෙන එන සවදේශිකයො..?
# රෝමන් අධිරාජ්‍යය තියෙනව ක්‍රි.ව 300 ගනන් විතර වෙනකම් ඊ ළඟට බයිසැන්තියන් අධිරාජ්‍යය... ඔහොම ගිහින් තමා ඔය හත්වන සියවසේ මුස්ලිම් වරු ඔය ප්‍රදේශ වලට එන්නෙ... එතකොට ඔය ප්‍රදේශවල මහා ලොකු ජුදෙව් ජනතාවක් හිටියෙ නෑ...ඒ විතරක් නෙමෙයි ඔය කාලිෆ් ඔමාර් කියන මුස්ලිම් පාලකය ජෙරුසෙලම අල්ලගත්තට පස්සෙ තමයි කිතුණුවන් විසින් ජුදෙව්වන්ට එන්න දෙන්නෙ නැතුව තිබුණ ජෙරුසෙලමට ඇවිත් ජුදෙව් ආගමික කටයුතු කරගන්න ඉඩ දීල තියෙන්නෙ...
# දැන් මීටත් කාලෙකට පස්සෙ ඔන්න මුස්ලිම් වරු අර ව්‍යාප්තවාදයෙ කෑල්ලක් හැටියට මට හිතෙන දෙයක් කරනව... ඒ තමයි අවුරුදු එක්දාස් පන්සීයක් විතර ජුදෙව්වන්ගෙ ශුද්ධ භූමියක් වුණ ජෙරුසෙලම මුස්ලිම් ශුද්ධ භූමියක් බවට පත් කරගන්න එක. [ මට මතක් වෙන්නෙම ශ්‍රී පාදස්ථානය ].
# ඔහොම ගිහින් ක්‍රි ව 1500 ගනන් වෙනකොට මේ ප්‍රදේශ තුර්කි ඔටෝමාන් අධිරාජ්‍යයට යටත් වෙනව...අතර මැද නැපෝලියන්ගෙ කතා අතෑරියොත් 1917 විතර් පලවෙනි ලෝක යුද්ධයෙ අවසානය වගේ වෙනකම් මේ ඔටෝමාන් අධිරාජ්‍යය තියෙනව... 1880 විතර වෙනකොට මේ ප්‍රදේශ වල ඉඳල තියෙන්නෙ යුදෙව්වො 24000 ක් විතර 400,000 ක විතර ජනගහනයකින්... ඉතින් ඒක වුණේ 700 ගනන් වල මුස්ලිම් ආක්‍රමණ නිසා විතරක් නෙමෙයි ඊට හුඟාක් කලින් කියන එකත් කියන මගේ අදහස ඉස්මතු කර ගන්නනයි මේච්චර විස්තර ලිව්වෙ..
# ඒ වගේම මම යටින් කියාගෙන ආපු ස්වදෙශිකයන්ගෙ කතාව... මෝසෙස්ගෙ කට්ටිය කානාන් දේශයට ආපු දවසෙ ඉඳන්ම ජුදෙව්වො මොන ජාතියක් එක්ක වත් මිශ්‍ර වෙච්ච ජාතියක් නෙමෙයි... එතකොට ඔය කානාන් වරුන්ගෙන් පැවැත එන ස්වදේශිකයො ඊට පස්සෙ ආපු හැම ජාතියක් එක්කම මිශ්‍ර වෙමින් තම වර්ගයා පවත්වගෙන ආව.. ඒ අනුවම හත්වෙනි සියවසේ මුස්ලිම්වරු එක්කත් මිශ්‍ර වුණේ මේ ජාතිය.. ඒ කියන්නෙ අද ඉන්න පලස්තීනුවො පැවතගෙන එන්නෙ මෙන්න මේ ජන කොටසෙන්... එහෙම නැතුව හත්වන සියවසේ යුද්ධෙට ආපු මුස්ලිම් වරුන්ගෙන් ඔවුන් පැවත එනවාය කියන එක අපි විජය සහ හොරු හත්සීයෙන් පැවත එනවාය කියන්න වගේ කතාවක් කියලයි මට හිතෙන්නෙ...


දැන් ඔන්න අපේ කට්ටිය කොමෙන්ට් වලින් කතා කරපු කාලය කිට්ටුවට ආව... මෙච්චර කියපු එකේ ඒකත් පිලිවෙලින්ම යමු...

 # පළවෙනි ලෝක යුද්දෙ ඉවරවෙලා 1918 වෙනකොට ඇතිවෙච්ච ගිවිසුම් අනුව මේ ප්‍රදේශ පාළනය කරන්න පැවරුනේ මහා බ්‍රිතාන්‍යයට...ඒ අද අපි කතාකරන පලස්තීනයත් ඒ වගේම මගේ පෝස්ට් එකේ කියවුණු ජෝර්දානයත් ඇතුළු විශාල ප්‍රදේශයක්...

# 1923 වෙනකොට බිරිතානින් මේ ප්‍රදේශය දෙකට බෙදුව පලස්තීනයත් ට්‍රාන්ස් ජොර්දාන් ප්‍රදේශයත් හැටියට...[ මේ ට්‍රාන්ස් ජෝර්දාන් ප්‍රදේශ වල අයින් සවුදි රාජ්‍යයට එකතු වුණු අතර මූලික ප්‍රදේශය අද පවතින ජෝර්දානය බවට පත්වුණා ]
දැන් තමා "අරාබි හොඳයි කීවත් වැරදී " සීන් ටික එන්නෙ... පළමු ලෝක යුද්දෙ ඉඳන් දෙවෙනි ලෝක යුද්දෙ කාලෙ දක්වා කාලෙ ... උන් පුළුවන් තරම් ඉතුරුවෙලා හිටපු ජුදෙව්වන්ට අඩන්ට්තේට්ටම් කලා... 1929 " හෙබ්‍රොන් සමූලඝාතනය " වගේ සිද්ධි වලින් ජුදෙව්වො විශාල වශයෙන් ඝාතනය කලා...

 # ඊලඟට දෙවන ලෝක යුද්දෙ ඉවර වෙලා ලෝකයෙ විසිරිලා හිටපු යුදෙව්වො ආපහු ඇවිත්... 1947  එක්සත් ජාතීන් විසින් බෙදා හදා ගන්න යෝජනා කලේ මෙහෙමයි...
# ඔන්න ඔය යොජනාව සම්මත වෙලා ඔක්කොම කරල තියෙද්දි තමා අරාබි හමුදා හයක් එකතුවෙලා මැද පෙරදිග ඉතිහාසෙ දාපු ලොකුම ගොං පාට් එක දැම්මෙ... එතනදි තමා මොශේ දයාන් හෙම සීන් එකට එන්නෙ...

# ඔන්න ඔය යොජනාව සම්මත වෙලා ඔක්කොම කරල තියෙද්දි තමා අරාබි හමුදා හයක් එකතුවෙලා මැද පෙරදිග ඉතිහාසෙ දාපු ලොකුම ගොං පාට් එක දැම්මෙ... එතනදි තමා මොශේ දයාන් හෙම සීන් එකට එන්නෙ...ඇවිල්ල දුන්න අරාබින්ට දුවන්න... ඒ කරල 1948 දි තමයි ඊශ්‍රායලය කියන වත්මන් රාජ්‍යය බිහිවෙන්නෙ...එතකොට අර 47 යෝජනා වෙච්ච ප්‍රමාණයට වඩා පලස්තීන් ප්‍රදේශ කුඩා වෙලා ජුදෙව් ප්‍රදේශ පැතිරිලා තිබුණ...එතකොට ගාසා ප්‍රදේශය ඊජිප්තුවේ පාලනය විසිනුත් ... බටහිර ඉවුර ජෝර්දාන පාලනය විසිනුත් තමා පාලනය වුනේ...

# ඊ ළඟට එන්නෙ 1967 සයදින යුද්ධය... දැන් මේක ගැන අදහස් කීපයක්ම පලවුණානෙ...මේක අරාබින් විසින් පටන් ගත්ත යුද්ධයක් වගේ අදහසක් මුලින් සුජීව්ගෙන් ආවත් මේ වෙනකොට බුරාගෙ අදහසත් එක්ක දැන් ටිකක් ක්ලියර් වගේ නේද... මේ සයදින යුද්ධය ඉශ්‍රායලය විසින් හොඳින් සැලසුම් කරල එකවර බෝම්බ ප්‍රහාර එල්ල කරමින් ඊජිප්තුවෙන් ගාසා ප්‍රදේශයත්... ජෝර්දානයෙන් බටහිර ඉවුරත්...සිරියාවෙන් ලෙබනනයත් එකවර කඩාගෙන යටත් කර ගත්ත... මෙන්න මේ වගේ තමා 1967න් පස්සෙ...

# ඊට පසුව මෑත කාලෙදි ඊශ්‍රායෙල් හමුදා ගාසා ප්‍රදේශයෙනුත් සීනායි ප්‍රදේශ වලිනුත් අයින් වුණා.. ඒත් තාම ගෝලන් කඳු වලිනුත් බටහිර ඉවුරෙනුත් අයින් වෙලා නෑ...


ඔන්න ඕකයි කතාව පුළුවන් තරම් කෙටියෙන්....